కాలభైరవ అష్టకం

దేవరాజసేవ్యమాన పావనాంఘ్రిపంకజం

వ్యాళయఙ్ఞసూత్రమిందు శేఖరం కృపాకరం

నారదాది యోగిబృంద వందితం దిగంబరం

కాశికాపురాధినాధ కాలభైరవం భజే !!       1

భానుకోటి భాస్వరం భవాబ్ది తారకం పరం

నీలకంఠ మీప్సితార్ధ దాయకం త్రిలోచనం

కాలకాల మంబుజాక్ష మక్షశూలమక్షరం

కాశికాపురాధినాధ కాలభైరవం భజే !!         2

శూలటంకపాశదండ పాణిమాధికారణం

శ్యామకాయమాధిదేవ మక్షరం నిరామయం

భీమవిక్రమంప్రభుం విచిత్రతాండవప్రియం 

కాశికాపురాధినాధ కాలభైరవం భజే !!         3

భక్తిముక్తిదాయకం ప్రశస్తచారువిగ్రహం

భక్తవత్సలంస్థితం సమస్తలోకనిగ్రహం

నిక్వణన్ మనోఙ్ఞ హేమకింకిణి లసత్కటిం

కాశికాపురాధినాధ కాలభైరవం భజే !!         4

ధర్మసేతు పాలకం త్వధర్మ మార్గనాశకం 

కర్మపాశమోచకం సుశర్మ దాయకంవిభుం

స్వర్ణవర్ణకేశపాశ శోభితాంగ మండలం

కాశికాపురాధినాధ కాలభైరవం భజే !!         5

 రత్నపాదుకాప్రభాభిరామపాదయుగ్మకం

నిత్యమద్వితీయమిష్ట దైవతం నిరంజనం

మృత్యుదర్ప నాశనం కరాళదంష్ట్ర భీషణం

కాశికాపురాధినాధ కాలభైరవం భజే !!         6

అట్టహాసభిన్నపద్మజాండకోశ సంతతిం

దృష్టిపాతనష్టపాపజాలముగ్రనాశనం

అష్టసిద్ధిదాయకం కపాలమాలికాధరం

కాశికాపురాధినాధ కాలభైరవంభజే!!         7

భూతసంఘనాయకం విశాలకీర్తిదాయకం

కాశివాశిలోక పుణ్య పాపశోధకం విభుం

నీతిమార్గకొవిదం పురాతనం జగత్ప్రభుం

కాశికాపురాధినాధ కాలభైరవంభజే!!          8

కాలభైరవాష్టకం పఠంతియేమనోహరం

జ్ఞానముక్తిసాధనం విచిత్ర పుణ్యవర్ధనం

శోకమోహదైన్యలోభ కోప తాప నాశనం

తే ప్రయాంతి కాలభైరవాంఘ్రి సన్నిధిం ద్రువం!!   9

ఇతి శ్రీమత్పరమహంసపరివ్రాజకాచార్యవర్య

శ్రిమత్శంకరాచార్యవర్య విరచిత కాలభైరవాష్టకం.