మీనాక్షీ పంచరత్నమాల

ఉద్యద్భానుసహస్రకోటిసదృశాం కేయూరహారోజ్జ్వలాం

బిమ్బోష్ఠీం స్మితదన్తపంక్తిరుచిరాం పీతామ్బరాలఙ్కృతామ్|

విష్ణుబ్రహ్మసురేన్ద్రసేవితపదాం తత్త్వస్వరూపాం శివాం   

మీనాక్షీం ప్రణతొఽస్మి సంతతమహం కారుణ్యవారాన్నిధిమ్||1||

ముక్తాహారలసత్కిరీటరుచిరాం పూర్ణేన్దువక్త్రప్రభాం

శిఞ్జన్నూపురకిఙ్కిణీమణిధరాం పద్మప్రభాభాసురామ్|

సర్వాభీష్టఫలప్రదాం గిరిసుతాం వాణీరమాసేవితాం

మీనాక్షీం ప్రణతోఽస్మి సంతతమహం కారుణ్యవారాన్నిధిమ్||2||

శ్రీవిద్యాం శివవామభాగనిలయాం హ్రీంకారమన్త్రోజ్జ్వలాం

శ్రీచక్రాఙ్కిత బిన్దుమధ్యవసతిం శ్రీమత్సభానాయకీమ్|

శ్రీమత్షణ్ముఖవిష్ణురాజజననీం శ్రీమజ్జగన్మోహినీం

మీనాక్షీం ప్రణతోఽస్మి సంతతమహం కారుణ్యవారాన్నిధిమ్||3||

శ్రీమత్సున్దరనాయకీం భయహరాం జ్ఞానప్రదాం నిర్మలాం

శ్యామాభాం కమలాసనార్చితపదాం నారాయణస్యానుజామ్|

వీణావేణుమృదఙ్గవాద్యరసికాం నానావిధాడమ్బికాం

మీనాక్షీం ప్రణతొఽస్మి సంతతమహం కారుణ్యవారాన్నిధిమ్||4||

నానాయోగిమునీన్ద్రహృన్నివసతిం నానార్థసి ద్ధిప్రదాం

నానాపుష్పవిరాజితాఙ్ఘ్రియుగళాం నారాయణేనార్చితామ్|

నాదబ్రహ్మమయీం పరాత్పరతరాం నానార్థతత్త్వాత్మికాం

మీనాక్షీం ప్రణతోఽస్మి సంతతమహం కారుణ్యవారాన్నిధిమ్||5||

ధనదాయక సూర్యాష్టకం

ఆదిదేవ నమస్తుభ్యం ప్రసీద మమ భాస్కర

దివాకర నమస్తుభ్యం ప్రభాకర నమోస్తుతేII

సప్తాశ్వ రధమారూఢం ప్రచండం కశ్యపాత్మజం

శ్వేత పద్మధరం దేవం తం సూర్యం ప్రణమామ్యహం II

లోహితం రధమారూఢం సర్వలోక పితామహం

మమపాపహరం దేవం తం సూర్యం ప్రణమామ్యహంII

త్రైగుణ్యంచ మహాశూరం బ్రహ్మ విష్ణు  మహేశ్వరం

మహాపాపహరం దేవం తం సూర్యం ప్రణమామ్యహంII

బృం హితం తేజసాం పుంజం వాయురాకాశమేవచ

ప్రభుస్త్వం సర్వలోకానాం తం సూర్యం ప్రణమామ్యహంII

బంధూకపుష్ప సంకాశం హార కుండల భూషితం

ఏకచక్ర ధరం దేవం తం సూర్యం ప్రణమామ్యహంII

విశ్వేశం విశ్వకర్తారం మహాతేజం ప్రదీపకం

మహాపాపహరం దేవం తం సూర్యం ప్రణమామ్యహంII

శ్రీ విష్ణుం జగతాం నాధం జ్ఞాన విజ్ఞాన మోక్షదం

మహాపాపహరం దేవం తం సూర్యం ప్రణమామ్యహంII

సూర్యాష్టకం పఠేన్నిత్యం గ్రహపీడా ప్రణాశనం

అపుత్రో లభతే పుత్రం  దరిద్రో ధనవాన్ భవేత్II

అమిషం మధుపానంచ య:కరోతు రవేర్దినే

సప్తజన్మ భవేద్రోగీ జన్మ జన్మ దరిద్రతా II

స్త్రీ తైల మధుమాంసాని యే త్యజంతి రవేర్దినే

నవ్యాధి శోక దారిద్ర్యం సూర్య లోకంచగచ్ఛతి  II