ధనదాయక సూర్యాష్టకం

ఆదిదేవ నమస్తుభ్యం ప్రసీద మమ భాస్కర

దివాకర నమస్తుభ్యం ప్రభాకర నమోస్తుతేII

సప్తాశ్వ రధమారూఢం ప్రచండం కశ్యపాత్మజం

శ్వేత పద్మధరం దేవం తం సూర్యం ప్రణమామ్యహం II

లోహితం రధమారూఢం సర్వలోక పితామహం

మమపాపహరం దేవం తం సూర్యం ప్రణమామ్యహంII

త్రైగుణ్యంచ మహాశూరం బ్రహ్మ విష్ణు  మహేశ్వరం

మహాపాపహరం దేవం తం సూర్యం ప్రణమామ్యహంII

బృం హితం తేజసాం పుంజం వాయురాకాశమేవచ

ప్రభుస్త్వం సర్వలోకానాం తం సూర్యం ప్రణమామ్యహంII

బంధూకపుష్ప సంకాశం హార కుండల భూషితం

ఏకచక్ర ధరం దేవం తం సూర్యం ప్రణమామ్యహంII

విశ్వేశం విశ్వకర్తారం మహాతేజం ప్రదీపకం

మహాపాపహరం దేవం తం సూర్యం ప్రణమామ్యహంII

శ్రీ విష్ణుం జగతాం నాధం జ్ఞాన విజ్ఞాన మోక్షదం

మహాపాపహరం దేవం తం సూర్యం ప్రణమామ్యహంII

సూర్యాష్టకం పఠేన్నిత్యం గ్రహపీడా ప్రణాశనం

అపుత్రో లభతే పుత్రం  దరిద్రో ధనవాన్ భవేత్II

అమిషం మధుపానంచ య:కరోతు రవేర్దినే

సప్తజన్మ భవేద్రోగీ జన్మ జన్మ దరిద్రతా II

స్త్రీ తైల మధుమాంసాని యే త్యజంతి రవేర్దినే

నవ్యాధి శోక దారిద్ర్యం సూర్య లోకంచగచ్ఛతి  II