సర్వవ్యాధిహర (రోగనాశన) వైష్ణవకవచం

 

హరిరువాచ . 

సర్వవ్యాధిహరం వక్ష్యే వైష్ణవం కవచం శుభం .
యేన రక్షా కృతా శంభోర్నాత్ర కార్యా విచారణా 

ప్రణమ్య దేవమీశానమజం నిత్యమనామయం .

దేవం సర్వేశ్వరం విష్ణుం సర్వవ్యాపినమవ్యయం

బధ్నామ్యహం ప్రతిసరం నమస్కృత్య జనార్దనం . అమోఘాప్రతిమం సర్వం సర్వదుఃఖ నివారణం
విష్ణుర్మామగ్రతః పాతు కృష్ణో రక్షతు పృష్ఠతః .
హరిర్మే రక్షతు శిరో హృదయంచ జనార్దనః 

మనో మమ హృషీకేశో జిహ్వాం రక్షతు కేశవః .
పాతు నేత్రే వాసుదేవః శ్రోత్రే సంకర్షణో విభుః 

ప్రద్యుమ్నః పాతు మే ఘ్రాణమనిరుద్ధస్తు చర్మ చ 

వనమాలీ గళస్యాంతం శ్రీవత్సో రక్షతామధః 

పార్శ్వం రక్షతు మే చక్రం వామం దైత్యనివారణం .

దక్షిణంతు గదాదేవీ సర్వాసురనివారిణీ 
ఉదరం ముసలం పాతు పృష్ఠం మే పాతు లాంగులం .
ఊర్ధ్వం రక్షతు మే శార్ఙ్గం జంఘే రక్షతు నందకః 

పార్ష్ణీ రక్షతు శంఖశ్చ పద్మం మే చరణావుభౌ . సర్వకార్యార్థసిద్ధ్యర్థం పాతు మాం గరుడః సదా 

వరాహో రక్షతు జలే విషమేషు చ వామనః 

అటవ్యాం నారసింహశ్చ సర్వతః పాతు కేశవః 

హిరణ్యగర్భో భగవాన్హిరణ్యం మే ప్రయచ్ఛతు . సాంఖ్యాచార్యస్తు కపిలో ధాతుసామ్యం కరోతు మే 1 శ్వేతద్వీపనివాసీ చ శ్వేతద్వీపం నయత్వజః . సర్వాన్సూదయతాం శత్రూన్మధుకైటభమర్దనః .. 12..
సదాకర్షతు విష్ణుశ్చ కిల్బిషం మమ విగ్రహాత్ .
హంసో మత్స్యస్తథా కూర్మః పాతు మాం సర్వతో దిశం 
త్రివిక్రమస్తు మే దేవః సర్వపాపాన్నిగృహ్ణతు
తథా నారాయణో దేవో బుద్ధిం పాలయతాం మమ 

శేషోో మే నిర్మలం జ్ఞానం కరోత్వజ్ఞాననాశనం 

వడవాముఖో నాశయతాం కల్మషం యత్కృతం మయా 
పద్భ్యాం దదాతు పరమం సుఖం మూర్ధ్ని మమ ప్రభుః .
దత్తాత్రేయః ప్రకురుతాం సపుత్రపశుబాంధవం 
సర్వానరీన్నాశయతు రామః పరశునా మమ . 

రక్షోఘ్నస్తు దశరథిః పాతు నిత్యం మహాభుజః 

శత్రూన్హలేన మే హన్యాద్రామో యాదవనందనః . ప్రలంబకేశిచాణూరపూతనాకంసనాశనః .
కృష్ణస్య యో బాలభావః స మే కామాన్ప్రయచ్ఛతు 
అంధకారతమోఘోరం పురుషం కృష్ణపింగలం 

పశ్యామి భయసంత్రస్తః పాశహస్తమివాంతకం 

తతోఽహం పుండరీకాక్షమచ్యుతం శరణం గతః 

ధన్యోఽహం నిర్భయో నిత్యం యస్య మే భగవాన్హరిః  
ధ్యాత్వా నారాయణం దేవం సర్వోపద్రవనాశనం 

వైష్ణవం కవచం బద్ధ్వా విచరామి మహీతలే 

అప్రధృష్యోఽస్మి భూతానాం సర్వదేవమయో హ్యహం .
స్మరణాద్దేవదేవస్య విష్ణోరమితతేజసః 

సిద్ధిర్భవతు మే నిత్యం యథా మంత్రముదాహృతం 

యో మాం పశ్యతి చక్షుర్భ్యాం యంచః పశ్యామి చక్షుషా .
సర్వేషాం పాపదుష్టానాం విష్ణుర్బధ్నాతు చక్షుషీ 
వాసుదేవస్య యచ్చక్రం తస్య చక్రస్య యే త్వరాః .
తే హి ఛిందంతు పాపానిమమ హింసంతు హింసకాన్ 
రాక్షసేషు పిశాచేషు కాంతారేష్వటవీషు చ 
వివాదే రాజమార్గేషు ద్యూతేషు కలహేషు చ 

నదీసంతారణే ఘోరే సంప్రాప్తే ప్రాణసంశయే 

అగ్నిచౌరనిపాతేషు సర్వగ్రహనివారణే 

విద్యుత్సర్పవిషోద్వేగే రోగే వై విఘ్నసంకటే . జప్యమేతజ్జపేన్నిత్యం శరీరే భయమాగతే 

అయం భగవతో మంత్రో మంత్రాణాం పరమో మహాన్ .
విఖ్యాతం కవచం గుహ్యం సర్పపాపప్రణాశనం . స్వమాయాకృతినిర్మాణం కల్పాంతగహనం మహత్ 

ఓం అనాద్యంత జగద్బీజ పద్మనాభ నమోఽస్తు తే 

ఓం కాలాయ స్వాహా . ఓం కాలపురుషాయ స్వాహా 

ఓం కృష్ణాయ స్వాహా . ఓం కృష్ణరూపాయ స్వాహా 

ఓం చండాయ స్వాహా . ఓం చండరూపాయ స్వాహా  

ఓం ప్రచండాయ స్వాహా . ఓం ప్రచండరూపాయ స్వాహా .
ఓం సర్వాయ స్వాహా . ఓం సర్వరూపాయ స్వాహా . 

ఓం నమో భువనేశాయ త్రిలోకధాత్రే ఇహ విటి సివిటి సివిటి స్వాహా .
ఓం నమః అయోఖేతయే యే యే సంజ్ఞాపయ వర్ సంజ్ఞాయాపాత్ర దైత్యదానవయక్షరాక్షసభూతపిశాచకూష్మాండాంతాపస్మారకచ్ఛర్దనదుర్ధరాణా- మేకాహిక ద్వ్యాహిక త్ర్యాహిక చాతుర్థిక మౌహూర్తిక దినజ్వర రాత్రిజ్వర సంధ్యాజ్వర సర్వజ్వరాదీనాం లూతాకీట కంటక పూతనా భుజంగస్థావర జంగమ విషాదీనా మిదం శరీరం మమ పథ్యం త్వం కురు స్ఫుట స్ఫుట స్ఫుట ప్రకోట లఫట వికటదంష్ట్రః పూర్వతో రక్షతు . ఓం హై హై హై హై దినకర సహస్రకాలసమాహతో జయ పశ్చిమతో రక్ష . 

ఓం నివి నివి ప్రదీప్త జ్వలనజ్వాలాకార మహాకపిల ఉత్తరతో రక్ష ఓం విలి విలి మిలి మిలి గరుడి గరుడి గౌరీగాంధారీ విషమోహ విషమవిషమాం మహోహయతు స్వాహా దక్షిణతో రక్ష . మాం పశ్య సర్వభూతభయోపద్రవేభ్యో రక్ష రక్ష జయ జయ విజయ తేన హీయతే రిపుత్రాసాహంకృతవాద్యతోభయ రుదయ వోభయోఽభయం దిశతు చ్యుతః తదుదరమఖిలం విశంతు యుగపరివర్తసహస్రసంఖ్యేయోఽస్తమలమివ ప్రవిశంతి రశ్మయః . వాసుదేవసంకర్షణప్రద్యుమ్నశ్చానిరుద్ధకః . 

సర్వజ్వరాన్మమ ఘ్నంతు విష్ణుర్నారాయణో హరిః 

ఇతి శ్రీగారుడే మహాపురాణే పూర్వఖండే ప్రథమాంశాఖ్యే ఆచారకాండే వైష్ణవకవచకథనం నామ చతుర్నవత్యుత్తరశతతమోఽధ్యాయః ..